Фуқаровий даъвогар ким, у ҳақда қонунчиликда қандай меъёрлар белгиланган? Javob yopilgan

Ассаламу Алайкум. Бошланган янги ҳафта хайрли бўлсин! 1) Судда корхона номидан қатнашган "фуқаровий даъвогар" қандай ҳуқуқ ва мажбуриятларга эга бўлади? Улар ким томонидан тайинланади? Умуман корхонанинг фуқаровий даъвогари қайси қонун ёки кодекс асосида фаолият олиб боради? 2) Фуқаровий даъвогар ўз даъвосини қандай беради? Яъни, масалан корхонада текширув натижасида моддий камомад аниқланди, лекин корхона текширув бўлиб ўтгунча бу камомаддан бехабар эди. Фуқаровий даъвогар мана шу текширув натижаси бўйича аниқланган камомадга даъво қила оладими? 3) Шу фуқаровий даъвогар даъвоси асосида суд бўлиб, судда жазо тайинланган ва ўталган. Кейин кассация асосида суд ҳукми бекор қилинган. Ноҳақ ўталган жазо учун фуқаровий даъвогарни ҳам моддий ва маънавий жавобгарликка тортиш учун судга берса бўладими?

Javoblar

Imomniyozov Doniyor
Toshkent shahri

Assalomu alaykum. Fuqaroviy daʼvogar haqida Oʻzbekiston Respublikasi Jinoyat protsessual kodeksida normalar belgilangan. 

Mazkur kodeks 276-moddasiga muvofiq jinoyat tufayli yoki aqli noraso shaxsning ijtimoiy xavfli qilmishi natijasida o‘zini mulkiy ziyon ko‘rgan deb hisoblovchi shaxs yoxud uning vakili jinoyat ishi qo‘zg‘atilgan paytdan boshlab to sud tergovi boshlangunga qadar fuqaroviy da’vo qo‘zg‘atishga haqlidir.

Shuningdek, 275-moddaga koʻra bevosita jinoyat tufayli yoki aqli noraso shaxsning ijtimoiy xavfli qilmishi natijasida fuqarolarga va yuridik shaxslarga yetkazilgan mulkiy ziyonni qoplash, shuningdek jabrlanuvchini dafn etish yoki uning statsionarda davolanish xarajatlarini hamda sug‘urta tariqasida unga to‘langan pul, nafaqa yoki pensiya pulini undirish to‘g‘risidagi fuqaroviy da’volar jinoyat protsessida ko‘riladi. Bunday vaziyatlarda fuqaviy da’voning sudlovga tegishliligi bu da’vo qo‘zg‘atilgan jinoyat ishining qaysi sudlovga tegishliligiga qarab aniqlanadi.

Fuqaroviy daʼvogar deb eʼtirof etish uchun surishtirivchi, tergovchi qaror, sud esa ajrim chiqaradi. 

Fuqaroviy daʼvogar deb eʼtirof etilgan shaxslar sudga fuqaviy daʼvogar sifatida chaqiriladi. Sud jarayonida ular oʻzlariga yetkazilgan moddiy zararning oʻrnini qoplash haqida oʻz vajlarini bayon etishlari mumkin.

Boshqa xizmatlar

Saytda savol berishingiz mumkin, bundan tashqari telefon orqali konsultatsiya olishingiz hamda kerakli hujjatlarni buyurtma qilishingiz mumkin



50 000 so'mdan
Foydalanish

Telefon konsultatsiya

Telefon raqamizgizni qoldiring va mutaxasis siz bilan tez orada bog'lanadi.

80 000 so'mdan
Foydalanish

Hujjat buyurtma qilish

Yuridik hujjat uchun buyurtma bering va qisqa vaqtda natijaga erishing