30 000 so`m savol
narxi
Biriktirilgan

Mib xodimlari undura olmayotgan qarzdorlik

Assalom alaykum.Mib xodimlari undura olmayotgan jismoniy shaxs qarzdorligini qayta mamuriy sudga murojat qilib shaxsni majburiy ishga yonaltirib undirib olish mumkinmi?

Javoblar

Namozov Shohrux
Toshkent shahri
295     Minnatdorchilik

Va Alaykum Assalom

''Sud hujjatlari va boshqa organlar hujjatlarini ijro etish to‘g‘risida''gi qonunning 30-moddasida ijro harakatlari va ijro hujjatining talablari ijro hujjatining ixtiyoriy ijro etilishi uchun belgilangan muddat tugagan kundan e’tiboran ko‘pi bilan ikki oy muddat ichida davlat ijrochisi tomonidan amalga oshirilishi va ijro etilishi kerak.

Yuqoridagi qonuning 45-moddasiga asosan majburiy ijro etish choralari to‘g‘ri rasmiylashtirilgan ijro hujjati qonunda belgilangan tartibda topshirilganda hamda ijro ishi yuritishni qo‘zg‘atish to‘g‘risida davlat ijrochisi tomonidan qaror qabul qilinganda qo‘llaniladi. Ixtiyoriy ravishda ijro etish uchun davlat ijrochisi tomonidan belgilangan muddatning o‘tganligi majburiy ijro etish choralarini qo‘llash uchun asos bo‘ladi.

Demak, ixtiyoriy ravishda ijro etish uchun muddatning tugaganligi va ushbu muddat ichida qarzdor tomonidan  bajarmagan taqdirda davlat ijrochisi majburiy etish chorasini qo'llash haqida qaror qabul qiladi.

Quyidagilar majburiy ijro etish choralari hisoblanadi:

1) undiruvni qarzdorning pul mablag‘lariga va boshqa mol-mulkiga qaratish;

2) undiruvni qarzdorning boshqa shaxslarda turgan pul mablag‘lariga va boshqa mol-mulkiga qaratish;

21) undiruvni qarzdorning debitorlik qarziga, shu jumladan qarzdor undiruvchi sifatida ishtirok etayotgan ijro hujjati bo‘yicha unga tegishli bo‘lgan mablag‘larga qaratish;

22) undiruvni qarzdorga tegishli bo‘lgan alohida mulkiy huquqlarga qaratish;

3) undiruvni qarzdorning ish haqi, stipendiyasi, pensiyasi va boshqa turdagi daromadlariga qaratish;

4) ijro hujjatida ko‘rsatilgan muayyan ashyolarni qarzdordan olib qo‘yish va undiruvchiga topshirish;

5) ijro hujjatining ijro etilishini ta’minlovchi qonunlarga muvofiq ko‘riladigan boshqa choralar.

Yuqoridagiga muvofiq, Davlat ijrochisi yuqorida sanab o'tilgan majburiy etish choralarini qo'llash orqali qarzdordan qarzni undirib berishi mumkin. Boshqa holatlarda xususan, qarzdorni majburiy mehnatga jalbq qilish orqali qarzni undirib olish mumkin emas. Mazkur savolni javobini tayyorlashga yaqindan yordam bergan Nurafshon tuman ma'muriy sudi xodimiga o'z minnatdorchiligimizni bildiramiz.

Aslonov Azimjon
Navoiy
0     Minnatdorchilik


Aslonov Azimjon
Navoiy
0     Minnatdorchilik

Ўзбекистон Республикасининг “Суд ҳужжатлари ва бошқа органлар ҳужжатларини ижро этиш тўғрисида”ги Қонуни 30-моддасига кўра, ижро ҳаракатлари ва ижро ҳужжатининг талаблари ижро ҳужжатининг ихтиёрий ижро этилиши учун белгиланган муддат тугаган кундан эътиборан кўпи билан икки ой муддат ичида давлат ижрочиси томонидан амалга оширилиши ва ижро этилиши керак. Ушбу Қонуннинг 45-моддасига мувофиқ, ихтиёрий равишда ижро этиш учун давлат ижрочиси томонидан белгиланган муддатнинг ўтганлиги мажбурий ижро этиш чораларини қўллаш учун асос бўлади. Қонуннинг 46-моддасига асосан, қуйидагилар мажбурий ижро этиш чоралари ҳисобланади:
1) ундирувни қарздорнинг пул маблағларига ва бошқа мол-мулкига қаратиш;
2) ундирувни қарздорнинг бошқа шахсларда турган пул маблағларига ва бошқа мол-мулкига қаратиш;
21) ундирувни қарздорнинг дебиторлик қарзига, шу жумладан қарздор ундирувчи сифатида иштирок этаётган ижро ҳужжати бўйича унга тегишли бўлган маблағларга қаратиш;
22) ундирувни қарздорга тегишли бўлган алоҳида мулкий ҳуқуқларга қаратиш;
3) ундирувни қарздорнинг иш ҳақи, стипендияси, пенсияси ва бошқа турдаги даромадларига қаратиш;
4) ижро ҳужжатида кўрсатилган муайян ашёларни қарздордан олиб қўйиш ва ундирувчига топшириш;
5) ижро ҳужжатининг ижро этилишини таъминловчи қонунларга мувофиқ кўриладиган бошқа чоралар. Юқоридаги норма талабидан келиб чиқиб, мажбурий ижро этиш чораларида қарздорни ишга жойлаштириш орқали қарздорликни ундириш тўғрисида банд мавжуд эмас. Бундан ташқари, Ўзбекистон Республикаси Меҳнат кодексининг 7-моддасига кўра, мажбурий меҳнат, яъни бирон-бир жазони қўллаш билан таҳдид қилиш орқали (шу жумладан меҳнат интизомини сақлаш воситаси тариқасида) иш бажаришга мажбурлаш тақиқланади.
Қуйидаги ишлар, яъни:
ҳарбий ёки муқобил хизмат тўғрисидаги қонунлар асосида;
фавқулодда ҳолат юз берган шароитларда;
суднинг қонуний кучга кирган ҳукмига биноан;
қонунда назарда тутилган бошқа ҳолларда бажарилиши лозим бўлган ишлар мажбурий меҳнат деб ҳисобланмайди. Ушбу ҳолат маъмурий жазо ўташ жараёнида юзага келиши мумкин. Хусусан, Маъмурий жавобгарлик тўғрисидаги кодекснинг 346-моддаси, тўртинчи қисмида маъмурий қамоққа олинган шахслар жисмоний ишларда фойдаланилиши, ушбу модданинг бешинчи ва олтинчи қисмларида маъмурий қамоққа олинган шахслар меҳнатидан фойдаланишни ташкил этиш туман (шаҳар) ҳокимликларига юклатилиши, маъмурий қамоққа олинган шахсларга қамоқда бўлган вақтлари учун доимий иш жойларидан иш ҳақи тўланмаслиги кўзда тутилган. Шундай экан, Ўзбекистон Республикаси қонунчилиги жисмоний шахс томонидан тўланмаган қарздорликни маъмурий суд орқали ишга жойлаштириб, қарздорликни иш ҳақи ҳисобидан қоплашни назарда тутмаслигини билдирамиз.

Boshqa xizmatlar

Saytda savol berishingiz mumkin, bundan tashqari telefon orqali konsultatsiya olishingiz hamda kerakli hujjatlarni buyurtma qilishingiz mumkin



50 000 so'mdan
Foydalanish

Telefon konsultatsiya

Telefon raqamizgizni qoldiring va mutaxasis siz bilan tez orada bog'lanadi.

80 000 so'mdan
Foydalanish

Hujjat buyurtma qilish

Yuridik hujjat uchun buyurtma bering va qisqa vaqtda natijaga erishing