Фирибгарлик жинояти бўйича Javob yopilgan

Бир шахс бошқа бир шахсдан 2013 май ойида ишга киритаман деб пул олиб, алдаб Россия Федерациясига чиқиб кетган. 2017 йил Россиядан қайтганда чегарада унга нисбатан қамоққа олиш чораси қўлланиб, қамоққа олинган. Чунки 2 та шахс унга 8 млн. пул берганман деб, ИИБга ариза берган ва ИИБ қидирув эълон қилган. Келгандан кейин қамоққа олинган ва суд бўлган. Суд жараёнида у нисбатан жиноят кодексининг 168-моддаси билан айбланган ва олган пулларини қайтаргандан сўнг, суд залидан озод қилинган, жарима жазоси тайинланган. 2019 йилнинг май ойида эса бошқа бир шахс унга: "Ер олиб берасан", - деб 10.000 АҚШ доллари берганман, ўшанда 2013 йил эди деб даъво қилмоқда. Аммо у судланувчи суд қилинган 2018 йил январида бу ҳақда судга мурожаат қилмаган. Айбланувчи эса судланган ва жазосини олган. Бу пулларни айбланувчи олмаган бўлса ёки аксинча олган бўлса кандай ҳуқуқий оқибат рўй беради? Илтимос, жиноятнинг муддати ҳақида ҳам маълумот берсангизю

Javoblar

Mirzayev Islomjon
Toshkent shahri
93     Minnatdorchilik

Ўзбекистон Жиноят кодексининг 64-моддасида жавобгарликдан озод қилишнинг тури сифатида Жавобгарликка тортиш муддатининг ўтиб кетганлиги мунасабати билан жиноят учун жавобгарликдан озод қилиш назарда тутилган. Унга кўра:
"Агар жиноят содир этилган кундан бошлаб қуйидаги муддатлар:
а) ижтимоий хавфи катта бўлмаган жиноят содир этилган кундан бошлаб — икки йил;
б) унча оғир бўлмаган жиноят содир этилган кундан бошлаб — тўрт йил;
в) оғир жиноят содир этилган кундан бошлаб — саккиз йил;
г) ўта оғир жиноят содир этилган кундан бошлаб — ўн тўрт йил ўтган бўлса, шахс жавобгарликдан озод қилинади.
Жавобгарликка тортиш муддати жиноят содир этилган кундан бошлаб ҳукм қонуний кучга кирган кунгача ҳисобланади.
Агар жиноят содир этган ва жиноий жавобгарликка тортилган шахс тергов ёки суддан яширинса, муддатнинг ўтиши тўхтатилади. Айбдор ушланган ёки айбини бўйнига олиб арз қилган кундан бошлаб муддатнинг ўтиши қайтадан тикланади.
Агар оғир ёки ўта оғир жиноят содир этган шахс ушбу моддада назарда тутилган муддатлар ўтмасдан қасддан янги жиноят содир этса, муддатнинг ўтиши узилади. Бундай ҳолда жавобгарликка тортиш муддатлари янги жиноят содир этилган кундан бошлаб ҳисобланади. Қолган ҳолларда, агар шахс жавобгарликка тортиш муддатлари ўтмасдан янги жиноят содир этса, бу муддатлар ҳар бир жиноят учун алоҳида ҳисобланади.
Агар ижтимоий хавфи катта бўлмаган ёки унча оғир бўлмаган жиноят содир этилган кундан бошлаб ўн йил, оғир ёки ўта оғир жиноят содир этилган кундан бошлаб йигирма беш йил ўтган бўлса, шахс жавобгарликка тортилиши мумкин эмас."
Шундан келиб чиқиб, уни жавобгарликка тортиш ёки тортмаслик масаласи муддатнинг ўтган ёки ўтмаганлигига қараб белгиланади.

Boshqa xizmatlar

Saytda savol berishingiz mumkin, bundan tashqari telefon orqali konsultatsiya olishingiz hamda kerakli hujjatlarni buyurtma qilishingiz mumkin



50 000 so'mdan
Foydalanish

Telefon konsultatsiya

Telefon raqamizgizni qoldiring va mutaxasis siz bilan tez orada bog'lanadi.

80 000 so'mdan
Foydalanish

Hujjat buyurtma qilish

Yuridik hujjat uchun buyurtma bering va qisqa vaqtda natijaga erishing